Nju Jork zgjeron detyrimin e vaksinave – Kërkesë për fëmijët deri në 5 vjeç dhe punonjësit e sektorit privat

New York City ka zgjeruar detyrimet e vaksinave të Covid-19 këtë Javë, duke caktuar kërkesa të vaksinimit për fëmijët deri në 5-vjeç dhe për punëtorët në të gjithë kompanitë e sektorit privat, ndërkohë që varianti Omicron po përhapet në më shumë shtete. Qyteti me popullsinë më të madhe në SHBA caktoi një afat të 27 Dhjetorit për të gjithë 184,000 bizneset brenda limiteve që t’i kërkojnë punonjësve vërtetim që janë vaksinuar, sipas kryebashkiakut Bill de Blasio.

Përveç kësaj, fëmijët në moshë 5-11 vjeç duhet të marrin të paktën 1 dozë deri më 14 Dhjetor dhe ato në 12 vjeç e sipër duhet të jenë vaksinuar plotësisht deri më 27 Dhjetor që të hyjnë në restorante dhe marrin pjesë në aktivitetet shkollore, si sporte, bandat muzikore dhe kërcime. “Vaksinimi është mënyra për të dalë nga pandemia dhe këto janë masa të guximshme për të inkurajuar banorët që të mbajnë veten dhe komunitetin të sigurtë”- tha de Blasio, që largohet nga detyra në muajin e ardhshëm. Pasardhësi i tij, Eric Adams, do të vlerësojë detyrimin dhe strategji të tjera për të luftuar pandeminë kur të marrë detyrën në Janar.

Detyrimi i vaksinave nënkupton se shumë fëmijë, apo prindërit e tyre, do të duhet të përpiqen shumë që të marrin një dozë, për të patur mundësinë që të shkojnë në restorante apo aktivitete jashtë shkollës.   Detyrimi i vaksinave përbën çështje në rang kombëtar dhe këndvështrimi i të rriturve mbi vaksinimin e fëmijëve ndryshon në të gjithë vendin  Në lidhje me sektorin privat, shumë kompani, përfshirë bankat e Ëall street që kanë seli në New York, si Goldman Sachs, Morgan Stanley dhe Citigroup, kanë pasur prej kohësh kërkesë të vaksinave për këdo që hyn në zyra.  Detyrimi në rang kombëtar i vaksinave i prezantuar më herët gjatë vitit nga presidenti Joe Biden për kompanitë me 100 punëtorë e sipër, u ndalua në muajin e kaluar nga gjykata e apelit në Neë Orleans.

Klevis Llaha / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.