Normat negative të interesit – Credit Suisse ‘kundër’ bashkimit të bankave europiane

“Mënyra më e mirë për të ndihmuar bankat e Europës të merren me normat negative të interesit nuk është bashkimi” -tha kreu i Credit Suisse Tidjane Thiam. “Normat negative të interesit kanë krijuar një mjedis tepër të vështirë, ku shumë banka janë nën presion afatgjatë. Një bashkim këtu nuk do të rregullonte asgjë.”

Shefi Ekzekutiv i UBS, Sergio Ermotti tha muajin e kaluar pasi Deutsche Bank dhe Commerzbank  në Gjermani hodhën poshtë bisedimet e bashkimit se konsolidimi në industrinë bankare europiane mbetet e pashmangshme.

Megjithatë, Thiam tha se nuk mendonte se asnjëra nga dy bankat më të mëdha të Zvicrës, UBS dhe Credit Suisse, do të bëheshin objektiva për marrjen e tyre. Bisedimet e dështuara për bashkimin midis dy huadhënësve më të mëdhenj të Gjermanisë nxitën spekulime për marrëveshje me bankat e tjera europiane, duke përfshirë UBS. Tham tha se ai nuk kritikon politikat e Bankës Kombëtare Zvicerane (SNB), e cila ka përdorur normë negative për të dobësuar frangën zvicerane.

“Unë po them vetëm se normat negative kanë një efekt negativ në ekonomi” -tha ai. Thiam, i cili ka udhëhequr Credit Suisse që nga viti 2015, tha se problemet kryesore të tij tani janë zgjidhur dhe banka ka bërë hapa të mëdhenj në reduktimin e kostove nëpërmjet teknologjisë.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.