Nuk do të ketë rritje taksash – Rama: PS do të rrisë të ardhurat

Kryeministri Edi Rama ka vijuar fushatën e tij zgjedhore në Kashar, ku ka premtuar se do të vazhdojë që të ndërtojë shtetin e së drejtës. Rama i është referuar kundërshtarit të tij Basha, i cili premton ulje të taksave, duke e pyetur se çfarë taksash do të ulë, kur taksat për biznesin e vogël janë zero.

Më tej, Rama është shprehur që nuk do të ketë rritje të taksave por vetëm rritje të të ardhurave.

Rama ka kujtuar edhe një herë se në katër vite është rritur numri i legalizimeve, dhe në të njëjtën kohë rreth 93% e legalizimeve ka qenë për shtëpi.

Kreu i Partisë Socialiste ka kërkuar edhe një herë votën e banorëve të Kasharit  në mënyrë që të vijojë puna për ndërtimin e shtetit të së drejtës, pasi në të kundërt vendi do të kthehet pas.

Entela Barjamaj/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.