Nuk kishte një kompjuter e as internet në adoleshencë. Sot është Drejtori i Përgjithshëm i Google dhe kompanisë mëmë Alphabet

Sundar Pichai u rrit në Indi, me pak akses në një telefon, e lëre më një kompjuter apo internet. Por ishte ky edukim që e ndihmoi t’i tregonte se sa i fuqishëm mund të jetë teknologjia.

Bashkëthemeluesit e Google Larry Page dhe Sergey Brin njoftuan se Pichai do të marrë përsipër pozicionin si CEO të kompanisë mëmë Alphabet  përveç rolit të tij si CEO i Google.

Ai u diplomua në Stanford me një master në inxhinieri dhe më vonë me një master në menaxhim biznesi. Nisi punë në Google në 2004. Atje, ai mbajti një larmi rolesh, duke përfshirë mbikëqyrjen e Chrome, shefi i produkteve të Google dhe drejtuesi i sistemit operativ Android deri sa u bë CEO në 2015.

Në rolin e tij si Drejtor i Përgjithshëm i Google, Pichai është përballur me disa sfida serioze, përfshirë shqetësimet në lidhje me privatësinë e përdoruesve, çështjet gjinore dhe diversitetin në kompani dhe aktivitetet e punonjësve.

Pichai tha se mësimi më i rëndësishëm që ai ka mësuar në Google është të dëgjojë perspektivat e njerëzve të tjerë.

“Ajo që mendoni brenda, vetëm, nuk është e mjaftueshme,” tha ai. “Ju duhet të dëgjoni këndvështrime nga jashtë dhe duhet të jeni të hapur për atë që po ndodh përreth jush, për të kuptuar ndikimin e produkteve tuaja, dhe të mësoni dhe të punoni shumë për ta bërë atë më mirë.” (CNN)

Nebi Xhomaqi / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.