“O sot o kurrë për bujqësinë shqiptare”, ministri i ri i Bujqësisë: Ftesë të hapur për këdo që beson te potenciali i fshatit dhe partneriteti urban-rural

Një ditë pas prezantimit të kabinetit qeveritar “Rama 2”, ka reaguar për herë të parë në rrjetet sociale, ministri i ri i Bujqësisë dhe Zhvillimit Rural, Niko Peleshi.
Konkretisht, në këtë postim, Peleshi ka një ftesë të hapur për këdo që beson, siç e quan ai, te potenciali i fshatit dhe partneriteti urban-rural.

“Sfidë e re, dimension i ri, agro-energji”, kështu e ka nisur postimin e tij, ministri Peleshi duke shprehur një lloj optimizmi për detyrën e re dhe për mbështetjen që do i japë sektorit bujqësor në vend, si dhe e ka përmbyllur këtë postim me fjalët “O sot, o kurrë për bujqësinë shqiptare dhe sigurinë ushqimore”.

Kryeministri Rama ka prezantuar dje  kabinetin e ri qeveritar për mandatin e dytë, i cili do të përbëhet nga 11 ministri dhe 2 ministra shteti.

Osman Dedja/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.