Objektivat e dhurimit të vaksinave në BE – Gjermania mund të dështojë. Fajëson kushtet e caktuara nga firmat
Gjermania mund të dështojë me objektivin e dhurimit të 100 milionë doza të vaksinave të Covid-19 këtë vit, për shkak të kushteve të vendosura tek prodhuesit dhe mungesat në dërgesa, sipas ministrisë së shëndetësisë. Këto 100 milionë doza përbëjnë gjysmën e totalit të premtuar nga vendet e Bashkimit Europian drejt shteteve të varfra këtë vit, sipas Komisionit Europian. Zyra e Jashtme e Gjermanisë deklaroi në nisje të javës se vendi ka dhuruar vetëm 17% të kësaj sasie.
Në një letër ditën e Hënë drejt Komisionit Europian, sekretari shtetëror tek ministria e shëndetësisë Thomas Steffen, tha se ekzistojnë probleme burokratike, logjistike dhe ligjore, të vendosura nga prodhuesit e vaksinave në vendet e BE që kërkojnë të dhurojnë dozat shtesë. Steffen tha se këto faktorë e kanë bërë të pamundur që t’i vendi t’i përgjigjej shpejtë kërkesave ndërkombëtare për ndihmë.
Letra, e parë nga Reuters, përbën sinjalin më të fortë të tensioneve mes qeverive dhe prodhuesve të barnave mbi dhurimet. BE dhe vendet e pasura, që kanë vaksinuar pjesën më të madhe të banorëve, ndodhen nën presion nga Organizata Botërore e Shëndetësisë që të dërgojnë më shumë doza tek vendet e varfra, ku shumë prej të cilave kenë imunizuar një pjesë të vogël të popullsisë.
Steffen tha se me sufiçitet që po rriten në shumë vende anëtare, do të ketë së shpejti një situatë të emergjencës botërore të shpërndarjes. “Disa vende mund të detyrohen të hedhin sasi të mëdha të vaksinave që duhen urgjentisht në pjesë të tjera të botës”- tha ai.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.