Objektivat ekonomikë të Kinës – Pranohet një normë më e ulët e rritjes për të trajtuar borxhin e ndotjen

Kina mund të arrijë objektivin e dyfishimit të përmasës së ekonomisë deri në vitin 2020, edhe nëse rritja ekonomike vjetore ngadalësohet në 6.4%, tregojnë zyrtarët e Partisë Komuniste, duke përsëritur angazhimin në trajtimin e borxhit dhe ndotjes.

Në planin për 2016-2020, Kina caktoi një normë minimale të rritjes prej 6.5%  në mënyrë që të arrihej objektivi i dyfishimit të Produktit të Brendshëm Bruto që prej nivelit të 2010-ës.

Megjithatë, zyrtarët e partisë komuniste thonë se një normë prej 6.3% në 2018-2020, do ta arrinte këtë objektiv. Ekonomia kineze pritet të rritet me 6.8% këtë vit dhe 6.5% në 2018-ën.

Presidenti kinez dhe zyrtarë të tjerë i kanë dhënë më pak rëndësi rritjes ekonomike, duke premtuar se do të përqendrohen më shumë në betejat kundër rrezikut financiar, ndotjes dhe varfërisë.

Produkti i Brendshëm Bruto pritet të arrijë 12.2 trilionë deri në fund të vitit. Ekonomia do të duhet të rritet me 6.3% çdo vit dhe të ardhurat rezidenciale me 5.3%, në mënyrë që të arrihet objektivi i dyfishimit të PBB dhe të ardhurave për frymë, nga niveli i 2010-s.

Klevis Llaha/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.