Objektivi i Biden për vaksinimin / Mbi 70% e të rriturve të kenë marrë 1 dozë deri më 4 Korrik
Presidenti Joe Biden njoftoi një objektiv për të vaksinuar 70% të të gjithë të rriturve në Shtetet e Bashkuara me të paktën 1 dozë të Covid-19 deri në ditën e pavarësisë më 4 Korrik, dhe i bëri thirrje të rinjve, kryesisht 20-vjheçarëve që të vaksinohen.
Presidenti, që e ka kthyer luftën kundër koronavirusit në prioritetin e administratës së tij, kishte lajmëruar më parë datën 4 Korrik si një objektiv për hequr disa masa të karantinës dhe lejuar grupe të amerikanëve që të mblidhen për të festuar. Objektivat e rinj të Biden vijnë ndërkohë që administrata përballet me probleme për të vaksinuar njerëzit që janë këmbëngulës ndaj vaksinës.
Presidenti tha se i ka bërë thirrje punëdhënësve që ti ofrojnë leje të paguar punonjësve që të shkojnë të vaksinohen dhe se ka hapur një program të kreditit tatimor për të rimbursuar bizneset për koston e kësaj leje.
Klevis Llaha – SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.