OBSH dhe Unicef e konfirmojnë: Vetëm 10 vende kanë marrë 3/4 e dozave të vaksinave

Nga 128 milionë doza vaksine të shpërndara deri më tani, më shumë se 3/4 i kanë marrë vetëm 10 vende që përfaqësojnë 60 % të Prodhimit të Brendshëm Bruto të botës. Deri në ditën e sotme, në rreth 130 vende pritet të administrohet doza e parë.

Kjo evidentohet nga Organizata Botërore e Shëndetësisë dhe Unicef që nënvizojnë se kjo strategji do të kushtojë jetë njerëzore dhe do t’i japë virusit mundësi të mëtejshme transformimi e si rrjedhojë do të dëmtojë edhe më shumë shëndetin e njerëzve dhe të ekonomisë.

Unicef dhe OBSH u kërkojnë liderëve që të shohin përtej kufinjve të vendeve të tyre dhe të vënë në jetë një strategji vaksinimi që mund të çojë në përfundimin e shpejtë të pandemisë dhe të frenojë transformimin e virusit.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.