OBSH-ja emëron 11 vendet me ‘transmetim të përshpejtuar’ në Europë – Shqipëria dhe Kosova pjesë e listës

Organizata Botërore e Shëndetit (OBSH) ka paralajmëruar se ka pasur një rritje javore të rasteve në rajon për herë të parë në muaj.

Në 11 vende, “transmetimi i përshpejtuar” ka shkaktuar një “ringjallje të konsiderueshme që nëse lihet pa kontroll do të shtyjë sistemet shëndetësore në problem edhe një herë”, tha drejtori i OBSH-së në Europë, Dr Hans Kluge.

Kombet e emëruara janë: Shqipëria, Armenia, Azerbajxhani, Bosnja dhe Hercegovina, Kazakistani, Kosova, Maqedonia e Veriut, Republika e Moldavisë, Suedia, Ukraina dhe Kirgistani (që konsiderohet gjerësisht se është në Azinë Qendrore.)

Ambasadorët e BE po takohen këtë javë për të diskutuar rihapjen e kufijve të jashtëm të bllokut në 1 korrik. Një nga opsionet që vendet anëtare po shqyrtojnë është vetëm lejimi i udhëtarëve nga vende të caktuara. Vendet që vuajnë nga nivele të larta të infeksionit përfshirë SHBA-në, Rusinë dhe Brazilin do të mbeten jashtë listës së sigurt.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.