OBSH përshkruan zhvillimin e vaksinave të koronavirusit – 20 prej tyre në zhvillim e sipër
Organizata Botërore e Shëndetit ka marrë aplikime për marrjen në konsideratë të 40 testeve diagnostikuese për koronavirusin, 20 vaksina janë në zhvillim e sipër, rezultatet e para priten brenda disa javësh, tha për kanalin RT përfaqësuesja e OBSH në Federatën Ruse, Melita Vujnovich.
“OBSH mirëpret intensifikimin e kërkimit shkencor në luftën kundër koronavirusit, sepse të gjitha ato kanë për qëllim shpëtimin e jetës, dhe janë veçanërisht të rëndësishme për vendet më të rrezikuara me sistem të dobët shëndetësor. Deri më tani, OBSH ka marrë aplikime për shqyrtim dhe aprovim të 40 testeve diagnostikuese, 20 vaksina janë në zhvillim e sipër, dhe shumë prova klinike të barnave aktualisht janë duke u zhvilluar. Ne presim rezultatet e para brenda disa javësh, “tha Vujnovic.
Organizata Botërore e Shëndetit më 11 Mars shpalli shpërthimin e koronavirusit të ri COVID-19 një pandemi. Më shumë se 209 mijë njerëz në 168 vende tashmë janë të infektuar në botë, më shumë se 8.7 mijë kanë vdekur. (ordonews)
N.Xh / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.