OBSH: ”Shpërthimi i koronavirusit në Europë po arrin pikun” Ja çfarë presim në vijim!

Organizata Botërore e Shëndetit tha se ka shenja të një stabilizimi në shpërthimin e koronavirusit në Europë. Vendi më i goditur në rajon, Italia, raportoi numrin më të vogël të rasteve të reja në pothuajse dy javë. Mike Ryan, kreu i urgjencave shëndetësore në OBSH, ka deklaruar se shpresa e tyre është  që  Italia dhe Spanja, t’i afrohen pikut, kjo për shkak të  masave kufizuese që  u morën disa javë  më  parë , të  cilat janë dukë  dhënë rezultat tani. Sipas kreut të  OBSH, rastet e reja reflektojnë ekspozimin ndaj sëmundjes e rreth dy javëve më parë.

‘’Ky virus nuk do të  zhduket vetvetiu. Ne kemi nevojë që vendet të përqëndrohen në  strategjitë  përkatwse, në  mënyrë  që  të  dalim sa më  shpejt nga kjo gjendje.’’

Kryeministri Spanjoll Pedro Sanchez njoftoi planet për forcimin e kufizimeve në jetën publike, duke urdhëruar ata që punojnë në shërbime jo thelbësore të qëndrojnë në shtëpi gjatë periudhës së Pashkëve. Vendi raportoi një rënie të vogël në vdekjet e koronavirusit, duke u pasuar nga Austria, Greqia dhe Qiproja.

Ndërkaq, Rusia mori masa drastike kufizuese pë r të  ndaluar përhapjen e virusit. Kryetari i Bashkisë së Moskës, Sergei Sobyanin, urdhëroi 12.7 milion njerëz në kryeqytet të qëndrojnë në shtëpi, me përjashtime të kufizuara për raste urgjente.

Italia ka numrin më të lartë të vdekjeve nga virusi, me më shumë se 11,000 vdekje dhe gati 102,000 raste të konfirmuara. Një grup ekspertësh kinezë, që udhëtuan për në Itali për të këshilluar zyrtarët atje, thanë se qeveria duhet të zhvendoset në karantinimin masiv të pacientëve me koronavirus me simptoma të butë në vend që t’i lejojë ata të izolohen në shtëpi.

Në atë kohë, nuk u kuptua mirë se sa infektues mund të jetë virusi edhe tek ata që nuk duken shumë të sëmurë. Por studiuesit tani e dinë se ata me simptoma të buta për të cilët u thuhet të qëndrojnë në shtëpi, zakonisht rrezikojnë të kalojnë virusin te anëtarët e familjes, si dhe te të tjerët jashtë shtëpive të tyre, pasi disa ende lëviznin lirshëm.

“Për shkak të bllokimit, shumica e transmetimit që po ndodh në shumë vende tani po ndodh në nivelin e familjes,” tha Ryan nga OBSH. “Ndaj ne duhet të shkojmë nëper familje dhe t’i gjejmë ata njerëz që mund të jenë të sëmurë, t’i largojmw dhe t’i izolojmë në mënyrë të sigurt dhe dinjitoze”.

Lombardia, rajoni rreth Milanos që është goditur më së shumti, do të ndjekë rekomandimin e këshilltarëve të saj shkencorë për të zgjatur masat shtrënguese të paktën deri në Pashkë. Kryeministri Giuseppe Conte po lufton për të mbajtur së bashku shoqërinë italiane. Parandalimi i trazirave në të ashtuquajturin Mezzogiorno, rajoni i pazhvilluar jugor që mbetet shumë larg nga veriu i pasur, është bërë përparësia kryesore e qeverisë, sipas zyrtarëve italianë që kërkuan të mos emërohej. Policia është vendosur në rrugët e kryeqytetit të Siçilisë, Palermo, pas raportimeve që bandat po përdorin mediat sociale për të planifikuar sulme ndaj dyqaneve.

Ndërsa bllokimi i Italisë hyn në javën e tij të katërt, përveç zgjatjes së bllokimit, Conte po punon gjithashtu për një paketë të re stimuluese për mesin e muajit prill me vlerë të paktën 30 miliardë euro pas masave fillestare me vlerë 25 miliardë euro, sipas zyrtarëve.

Elefteria Zguri/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.