OKB: Pandemia ndërpret vaksinimet rutinë / Mbi 23 milionë fëmijë nuk janë vaksinuar. Nxit vatra të fruthit dhe poliomielitit
Thuajse 23 milionë fëmijë nuk kanë pasur mundësi për vaksinimet rutinë në vitin e kaluar, për shkak të pandemisë së Covid-19, që është numri më i lartë në mbi 1 dekadë, duke nxitur vatra të fruthit, poliomileitit dhe sëmundjeve të tjera të parandalueshme, sipas agjencive të Kombeve të Bashkuara. Fruthi, një nga sëmundjet më ngjitëse në botë, mund të jetë vdekjeprurëse tek fëmijët nën moshën 5 vjeç, veçanërisht në vendet aziatike dhe afrikane me sisteme të shëndetësisë të dobëta, sipas Organizatës Botërore të Shëndetësisë. Nga ana tjetër, poliomieliti, mund të lë fëmijët të paralizuar për të gjithë jetën. Hendeku i mbulimit botëror me vaksina, ka lënë shumë fëmijë të cenuar nga patogjene infektuese, sipas Kate O’Brien, drejtoreshës së OBSH mbi imunizimin. Dhjetë vende, drejtuar nga India dhe Nigeria, zënë pjesën më të madhe të 22.7 milionë fëmijët e pavaksinuar, apo të nën-vaksinuar kundër difterisë, tetanosit dhe pertusis, e ashtuquajtur kolla e mirë, në vitin 2020. Kjo shifër është në rritje me 3.7 milionë nga 2019-a dhe rritja më e madhe që prej vitit 2009. “Vatra të mëdha të fruthit janë regjistruar në zonat e nxehta, përfshirë Afganistan, Mali, Somali dhe Jemen, sipas raportit.
Klevis Llaha – SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.