OKB paralajmëron për ndryshimin klimatik – “Nëse nuk ndërhyhet, objektivi prej 1.5 gradë celcius nuk do të realizohet”
Angazhimet aktuale për të shkurtuar emetimin e gazrave serë e vendosin planetin drejt një rrugëtimi për një rritje të temperaturave me 2.7 gradë Celcius në mesatare këtë Shekull, sipas një raporti të Organizatës së Kombeve të Bashkuara. Qeveritë do mblidhen në konferencën e 26 mbi klimën javën e ardhshme, për të premtuar më shumë plane ambicioze, në atë që shihet si shansi i fundit për të vendosur botën në rrugëtim që të limitojë rritjen e temperaturave poshtë 2 gradë celcius, sipër niveleve para industrial.
Ndërkohë që ndodhi ekstreme të motit, si zjarret e mëdha dhe përmbytjet kanë goditur vendet në botë, një raport i OKB në Gusht paralajmëroi se ngrohja globale si pasojë e emetimit të gazrave serë, mund të kalojë 1.5 gradë celcius në 2 dekadat e ardhshme. Raporti vjetor “Hendeku i emetimeve” që mat hendekun mes emetimeve të pritura dhe ato që duhen për të limituar rritjen e temperaturave si ç’është rënë dakord në paktin e Parisit, theksoi se premtimet vetëm reduktojnë emetimet e projektuara për 2030 me 7.5%.
Nëse kjo vazhdon përgjatë shekullit, do të ketë një ngrohje mesatare prej 2.7 gradë celcius. Nëse do ketë një ulje me 30% e emetimeve, ngrohja do limitohet në 2 gracë Celcius, dhe një ulje me 55%, do të sjellë limitin optimal në 1.5 gradë Celicus sipër niveleve paraindustrial. Sekretari i Përgjithshëm i OKB, Antonio Guterres, tha se nëse nuk ka veprime të theksuara në këtë dekadë, objektivi prej 1.5 C do humbasë përgjithmonë.
Më pak se një javë ka ngelur nga samiti në Glasgow, dhe ne jemi në rrugëtim për një katastrofë të klimës. Ne e dimë që e ardhmja e njerëzimit varet nga mbajtja e rritjes së temperaturave globale në 1.5 gradë Celcius dhe ne e dimë gjithashtu se palët e përfshira në Marrëveshjen e Parisit, po dështojnë me objektivin.
Të dhënat e fundit të OKB tregojnë se 143 vende, që përbëjnë për 57% të emetimeve botëror, kanë dorëzuar apo përditësuar planet e emetimeve përpara samitit. Kina dhe India, që janë përgjegjëse për rreth 30% të emetimeve botërore, nuk kanë përditësuar ende planet.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.