Omicron godet linjat ajrore gjatë pushimeve – Aksionet e firmave pësojnë rënie prej anulimit të fluturimeve

Aksionet e linjave ajrore dhe kompani të tjera të lidhura më udhëtimin ranë në nisje të javës, ndërkohë që rastet me Omicron dhe problemet në lidhje me motin, detyruan anulimin e mijëra fluturimeve, duke lënë udhëtuesit pa lëvizur gjatë pushimeve. Mbi 800 fluturime të tjera u anuluan brenda dhe jashtë SHBA ditën e Hënë, sipas të dhëanve të FlightAëare.com, shtesë ndaj 3,000 anulime gjatë fundjavës së Krishtlindjeve.  Pushimet e Krishtlindjeve janë zakonisht piku i udhëtimeve ajrore, por përhapja e variantit Omicron ka sjellë një rritje të shpejt të infeksioneve, duke detyruar linjat ajrore që të anulojnë fluturimet, si pasojë e karantinimit të ekuipazhit dhe pilotëve.

Delta Air Lines priste mbi 300 fluturime që të anuloheshin ditën e Diel. Në rang botëror, të dhënat e FlightAëare treguan se thuajse 2,150 fluturime janë anuluar dhe rreth 5,800 të tjera janë vonuar. Omicron është zbuluar në Nëntor dhe tashmë përbën thujse ¾ të rasteve në SHBA, ndërkohë që në disa zona arrin deri në 90%. Numri mesatar i rasteve të reja me koronavirus në SHBA është rritur me 45% në 179,000 në ditë në javën e fundit. Ndërkohë që hulumtimet e fundit tregojnë se Omicron shkakton një sëmundje më të lehtë dhe një normë më të ulët të shtrimit në spital se me variantet e tjera, zyrtarët kanë mbajtur një ton të kujdesur ndaj perspektivës, kryesisht prej transmetueshmërsië së lartë.

Klevis Llaha / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.