Operacioni antikanabis, Rama: Do t’i japim fund – Çako: Këtë vit, 30% më shumë fluturime
Kryeministri Edi Rama ka siguruar se do t’i jepet fund historisë së kultivimit të kanabisit në vend. Në një takim me drejtuesit e policisë, në kuadër të strategjisë antikanabis, Rama kërkoi të mos bëhet asnjë lëshim në këtë drejtim, duke thënë se shumë shpejtë kjo do të kthehet në histori suksesi.
I pranishëm në mbledhjen e strukturave operacionale, drejtori i përgjithshëm i Policisë së Shtetit, Haki Çako deklaroi se këtë vit janë planifikuar 30% më shumë fluturime se viti i kaluar, deri tani janë kryer 21 fluturime dhe janë konstatuar vetëm 7 raste.
Sipas Çakos, në 6 mujorin e parë të 2017-ës janë kultivuar 15 herë më pak kanabis se e njëjta periudhë në vitin 2016 .
Nertila Doko/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.