Operacioni “BILETA”- Policia procedon penalisht 2 pronarë subjektesh që kryenin aktivitet të paligjshëm të lojërave të fatit
Shërbimet e Komisariatit të Policisë Mat, në vijim të punës për parandalimin, evidentimin dhe goditjen e paligjmërisë, bazuar edhe në informacione të marra në rrugë operative, se në qytetin e Burrelit zhvillohet aktivitet i paligjshëm i lojërave të fatit, bëjnë me dije se kanë organizuar punën dhe kanë ushtruar kontrolle në lokale e ambiente të ndryshme, ku u finalizua me sukses operacioni i koduar “Bileta”, si rezultat i të cilit u proceduan penalisht shtetasit :
- A.S., 25 vjeç, dhe A. K., 51 vjeç, të dy banues në Burrel. Procedimi penal ndaj tyre filloi pasi gjatë kontrollit të ushtruar nga policia në subjektet e tyre “Bar-Cafe”, janë gjetur dhe sekuestruar pajisje kompjuterike dhe aksesor të tjerë që shërbenin për zhvillimin e lojërave të fatit .
Sipas njoftimit materialet procedurale i kaluan Prokurorisë Pranë së Shkallës së Parë Mat për veprën penale “Organizimi i lotarive të palejuara” si dhe kontrollet kundër aktivitetit të lojërave të fatit do të vijojnë në gjithë qarkun e Dibrës dhe në këtë kuadër DVP Dibër fton cilindo të denoncojë në numrin 112 ose përmes aplikacionit ‘Komisariati Dixhital’, çdo veprimtari të tillë të kundërligjshme duke ju siguruar anonimatin dhe reagim të paanshëm kundrejt shkelësve të ligjit.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.