“Operacioni Forca e Ligjit”, sekuestrohen 3 mjete të blinduara në Lushnjë, Durrës dhe Krujë
Operacioni Forca e Ligjit vazhdon aksionin e saj, në sekuestrimin e pasurive të personave të dyshuar dhe me precedentë penalë.
Me urdhër nga Drejtori i Përgjithshëm i Policisë, Ardjan Veliu është firmosur shkresa për sekuestrimin në kushtet e emergjencës për disa automjete të blinduara, në ditën e sotme.
Automjetet e sekuestruara janë në pronësi të shtetasve:
“S. T., banues në Lushnjë, i dënuar për veprën penale “Prodhimi dhe shitja e narkotikëve”;
D.Gj. banues në Durrës, i dënuar në Itali për trafik të qenieve njerëzore;
D.B. banues në Krujë, i dënuar për veprën penale “Vjedhja me armë
Operacioni vijon dhe OFL do të informojë publikun në vijimësi për të gjitha nismat procedurale dhe operacionet ekzekutive që do të kryejë.” – shkruhet në deklaratën e Policisë.
Në këtë mënyrë, personat të cilëve iu sekuestrohet pasuria kanë 48 orë kohë për të plotësuar formularin ku duhet të deklarojnë burimet e ligjshëm të pasurive të tyre dhe më pas SPAK ka 15 ditë kohë për ta dërguar çështjen në gjykatë ku merret vendimi përfundimtar për masën e sekuestros.
Nëse burimet e pasurisë nuk justifikojnë mjetet, ato kalojnë automatikisht në pronësi të Policisë së Shtetit.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.