Operacioni më i madh i vitit në Turqi, ANSA: 260 mandate arresti për grushtin e shtetit. Përdorën aplikacionin “ByLock”,lidhje me rrjetin Gulen

Një operacion i ri masiv në Turqi kundër rrjetit të Fethullah Gulen, që qeveria e Recep Tayyip Erdogan e akuzon se ka organizuar grushtin e dështuar të shtetit të 15 korrikut 2016.

Prokuroria e Ankarasë ka lëshuar 260 mandate arresti ndaj personave që dyshohet se kanë përdorur ‘ByLock’, aplikacionin e dërgimit të mesazheve që sipas magjistratëve u përdor nga ata që bënë përpjekjen e grushtit të shtetit për të dërguar mesazhe të koduara.

Të paktën 189 të kërkuar kanë përfunduar në pranga tashmë. Bëhet fjalë për operacionin më të madh të ndërmarrë në këto vite kundër gulenistëve.

Nga puçi i dështuar, mijëra persona janë arrestuar dhe më shumë se 140 mijë janë pushuar ose pezulluar nga puna në administratën publike në Turqi me akuzën e klidhjes me rrjetin.

Burimi:

 https://www.aa.com.tr/sq/turqia/operacione-ndaj-pjes%C3%ABtar%C3%ABve-t%C3%AB-feto-s-n%C3%AB-turqi-189-t%C3%AB-arrestuar-/1675842

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.