Operacioni “Vjeshtë 2017”, vendoset sekuestro preventive në vlerën e 15 mln lekëve – Ndalohen 2 shtetas, 2 të tjerë shpallen në kërkim
Falë operacionit të koduar “Vjeshtë 2017” Policia e Elbasanit ka vendosur sekuestro preventive në vlerën e 15. 000.000 lekë, ndërkohë që ka ndaluar dy shtetas, pasi Gjykata e Elbasanit ka vendosur masën e sigurisë “arrest me burg”.
“Vijon puna nga Strukturat e Policisë së Elbasanit për zbatimin e Plan – Operacionit “VJESHTË 2017”. Ndalohen dy shtetas, ndërkohë që është vendosur sekuestroja preventive në vlerën 15.000.000 lekëve.
Specialistët e Sektorit për Hetimin e Krimit Ekonomik e Financiar në Drejtorinë Vendore të Policisë Elbasan, në bashkëpunim me Prokurorinë Pranë Gjykatës së Shkallës së Parë Elbasan, në kuadër të një hetimi të ndjekur me metoda speciale të hetimit dhe në kuadër të intensifikimit të punës për zbatimin e Plan – Operacionit “VJESHTË 2017”, u bë ndalimi i shtetasve: B.K, 63 vjeç , banues në Elbasan dhe A.K, 33 vjeç , banues po në Elbasan”, shkruhet në njoftim.
Po sipas policisë u bë shpallja në kërkim e shtetasve I.K dhe O.D.
Ndalimi i shtetasve u bë në zbatim të vendimit të datës 14.09.2017 të Gjykatës së Rrethit Gjyqësor Elbasan, e cila ka caktuar masën e sigurisë “Arrest me burg”, për veprën penale të “Pastrimit të produkteve të veprës penale ose veprimtarisë kriminale“, të kryer në bashkëpunim, më shumë se një herë dhe me pasoja të rënda”, parashikuar nga Kodi Penal.
os.de/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.