Opinion/ Boris Johnson nuk i ka bërë mirë llogaritë – Partia, qeveria dhe strategjia e tij janë në prag dështimi
Pas vetëm 43 ditësh në detyrë, Kryeministri i Mbretërisë së bashkuar, Boris Johnson e ka futur veten në një situatë të shumë të vështirë. Fatkeqësisht, nuk ekziston një rrugëdalje e lehtë për të ose për vendin që ai drejton në mënyrë nominale. Falë një serie keq llogaritjesh, partia e Johnson po shpërbëhet, qeveria e tij po shkatërrohet dhe strategjia e tij politike po kthehet si një bumerang.
Këtë javë, ai nxori 21 ‘rebelë’ nga Partia Konservatore parlamentare, pasi ata iu bashkuan opozitës për ta ndaluar atë të detyronte vendin të dilte nga BE pa një marrëveshje. Për të rivendosur autoritetin e tij dhe përftuar një shumicë të mundshme, Kryeministri bëri thirrje për zgjedhje të menjëhershme të përgjithshme duke e humbur edhe këtë votim gjithashtu, duke mos arritur kështu të mbledhë mbështetjen e nevojshme të dy të tretave.
Johnson e ka kthyer çështjen e Brexit, sfidën më të rëndë me të cilën vendi është përballur në dekada, shumë më të vështirë se sa mendohej në fillim. Britania është planifikuar të largohet nga BE më 31 tetor. Ndërkohë, mbajtja e një zgjedhjeje të përgjithshme, siç mendohet se Johnson ende shpreson të bëjë, mund ta lehtësojë atë proces duke siguruar një shumicë më të qartë për planet e kryeministrit. Problemi është se askush nuk mund të thotë se çfarë lloji janë ato konkretisht.
Ndoshta më e dëmshme, sidoqoftë, është kostoja e kësaj fatkeqësie të pafund. Britania është në prag të një recesioni. Investimi i bizneseve, viktima më e dukshme e pasigurisë së Brexit, ka qenë nën një goditje të fortë konstante. Rritja e shërbimeve ka ngecur ndërsa prodhimi dhe ndërtimi kanë mbetur në një pikë statike të palëvizshme. Johnson ndërkohë po shpenzon miliona paund në një fushatë reklamuese për të bindur bizneset të përgatiten për Brexit pa marrëveshje, ndërsa siguron të gjithë se është shumë e pamundur, një strategji që nuk e ka lehtësuar pasigurinë e përgjithshme në vend.
Ajo çka është më e dukshme dhe për të ardhur keq është se makineria e politikës britanike është mbërthyer në fenomenin Brexit. Ndërsa procesi po vihet në punë prej kohësh duke u përtypur përmes dy kryeministrave dhe të tjerëve, po krijon më shumë pasoja negative dhe dëme se sa po bën hapa përpara. Edhe në këtë datë të vonë, mënyra më e mirë dhe më demokratike për të dalë nga ky lëmsh i koklavitur është të lihet publiku të vendosë çështjen në një referendum të dytë. Alternativat duken më të buta ditën. (Bloomberg)
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.