Opozita e Turqisë rifiton Stambollin në zgjedhjet bashkiake
Opozita e Turqisë arriti të fitojë zgjedhjet e përsëritura bashkiake të Stambollit duke mundur kështu partinë qeverisëse të presidentit Tayyip Erdogani, duke thyer kështu aurën e tij të pathyeshmërisë dhe dhënë një mesazh nga votuesit e pakënaqur ndaj politikave të tij. Ekrem Imamoglu i Partisë Popullore Republikane (CHP) siguroi 54.21% të votave, sipas agjencisë së lajmeve Anadolu, një diferencë shumë më e madhe krahasuar me fitoren e para tre muajve. Rezultati i mëparshëm u anulua pas protestave të Partisë AK islamikë të Erdogan, e cila tha se kishte pasur parregullsi të shumta gjatë votimit. Vendimi për të ripërsëritur votimin u kritikua nga aleatët perëndimorë dhe shkaktoi trazirë mes kundërshtarëve vendas, të cilët thanë se demokracia e Turqisë ishte nën kërcënim.
Të dielën, dhjetëra mijëra mbështetës të Imamoglu festuan në rrugët e Stambollit pasi ish-biznesmeni triumfoi mbi kandidatin e zgjedhur nga Erdogan me pothuajse 800,000 vota. “Në këtë qytet sot, keni vendosur demokraci. Faleminderit Stamboll, ” u tha Imamoglu mbështetësve që bënin shenjat e zemrës me duart e tyre, në një shprehje të retorikës zgjedhore gjithëpërfshirëse që ka qenë shenjë dalluese e fushatës së tij. “Ne kemi ardhur për t’u përqafuar të gjithëve,” tha Imamoglu. “Ne do të ndërtojmë demokracinë në këtë qytet, ne do të ndërtojmë drejtësinë. Në këtë qytet të bukur, premtoj, ne do të ndërtojmë të ardhmen “.
Bordi i Lartë Zgjedhor ende nuk ka njoftuar rezultatet formale, por Erdogan tashmë ka përgëzuar Imamoglu për fitoren e tij dhe rivali i Imamoglu, Binali Yildirim, i Partisë AK në pushtet i uroi atij fat si krye bashkiak vetëm pas dy orëve nga mbyllja e sondazheve.
Burimi: Reuters
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.