Opozita, kundër komisioneve “online” – Bylykbashi: Qeveria po na mohon të drejtën e fjalës, të jemi fizikisht në mbledhje

Komisioni i Ligjeve nuk ka mundur të zhvillojë punimet e para për shkak të përplasjeve mes mazhorancës dhe opozitës. Klotilda Bushka njoftoi nisjen e mbledhjes online, por deputetët e PD u futën në sale duke kërkuar zhvillimin e saj fizikisht.

Në një konferencë për mediat, deputeti i Partisë Demokratike, Oerd Bylykbashi, u shpreh se mazhoranca ka mohuar të drejtën e fjalës së opozitës, me pretendimin për të zhvilluar mbledhjet e komisioneve online. Bylykbashi shtoi se, opozita do të jetë prezente fizikisht në komisione dhe nuk do të lejojë që kuvendi të kthejë në ligje aferat korruptive të qeverisë.

E njëjta situatë ishte edhe në Komisionin e Shëndetësisë. Në një reagim tjetër për mediat, Partia Demokratike akuzoi Kuvendin e Shqipërisë se ka ndërprerë transmetimin e mbledhjes së konstituimit të Komisionit te Shëndetësisë.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.