Opozita me dy “platforma”, Basha: Vetting e shpronësim për këdo që ka fituar PPP në mënyrë korruptive
Opozita vijon “kuvendin” paralel në qytetet e Shqipërisë. Këtë të enjte opozita u zhvendos në Vlorë, nga ku njoftoi për dy nisma të rëndësishme.
Kryetari i Partisë Demokratike Lulzim Basha u shpreh se vetingu i politikanëve mbetet prioritet i opozitës.
Një nisëm tjetër e opozitës e diskutuar në Vlorë ka të bëjë shpronësimin, sekuestrimin e pasurive të gjitha kompanive, individëve që kanë lidhur kontrata korruptive, PPP, tendera dhe koncesione.
Opozitës i është bashkuar edhe PDIU në këtë mbledhje prej të cilës prite që opozita t’i japë formë përfundimtare platformës së saj.
Sipas Bashës duhet të spastrohet drejtësia nga kapjet politike dhe vendit ti sigurohen zgjedhje të lira dhe të ndershme.
Entela Barjamaj/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.