Opsioni i sondazheve tashmë edhe në Facebook

Tashmë opsionin e sondazheve, ku mund të pyesni miqtë tuaj e gjeni edhe në Facebook

Përdoruesit mund të krijojnë sondazhe me dy përgjigje për miqtë dhe ndjekësit të cilët mund të votojnë nga News Feed.

Pasi t’i bëni update aplikacionit tuaj, ju do të jeni në gjendje të krijoni sondazhet tuaja duke ngarkuar foto apo GIF të ndryshme.

Gjatë muajit të kaluar ishte Instagram i cili e shtoi këtë opsion, e madje dhe Twitter zotëron një formë të ngjashme por në rastin e këtij të fundit votimi lejon deri në katër opsione votimi dhe jo dy siç e ka Facebook.  .

Facebook ka eksperimentuar edhe në të kaluarën me sondazhet, që në vitin 2007 për reklamuesit dhe marketerët  por asnjëherë nuk ka pasur një qëndrim lidhur me mënyrën sesi duhej të funksionin.

V.H/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.