Optimizëm për lëndët e para, Goldman: Janë “mbishitur” prej luftës tregtare, pritet të rriten në vazhdim
Shqetësimet për naftën dhe lëndët e para janë mbi reflektuar në bursa dhe sipas bankës së investimeve në SHBA, Goldman Sachs, edhe aktivet më të ekspozuara ndaj luftës tregtare e justifikojnë blerjen. Në Qershor, investitorët u shqetësuan për dobësinë në kërkesë, luftës tregtare dhe vendimit të prodhuesve të naftës për të rritur prodhimin.
Vendin e parë te këto shqetësime e zinte lufta e tarifave mes Donald Trump dhe partnerëve ndërkombëtarë. Shtëpia e Bardhë pritet të vendosë tarifa prej 25% në 34 miliardë dollarë mallra kinezë, ndërsa Kina ka bërë të ditur se do të kundërpërgjigjet për importet nga Amerika.
Ndërkohë që shumë investitorë kanë thënë se kjo mund të jetë nisja e një lufte globale të tregtisë që do të godasë të gjithë ekonominë botërore, Goldman Sachs bëri të ditur se lëndët e para nuk do të cenohen. “Vetëm tregjet që nuk mund të gjejnë rrugë të tjera drejt konsumatorëve do të ndikohen nga tarifat që do të nisin më 6 Korrik.
Ne mendojmë që ndikimi i luftës tregtare në tregun e lëndëve të para do të jetë i vogël, me përjashtim të sojës, ku zëvendësimi i plotë i furnizimeve do të jetë i pamundur”, deklaron Goldman. Megjithatë, kontratat për sojën kanë ende vlerë në nivelet aktuale, sipas bankës.
Më 19 Qershor, kontratat futures për sojën ranë në nivelet më të ulëta në 9 vite, prej shqetësimeve për luftën tregtare. “Të gjitha këto shqetësime janë mbishitur. Madje edhe soja, aktivi më i ekspozuar ndaj luftës tregtare, është tashmë në pozicion blerje”, lajmëron Goldman.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.