Organizatat Jo-Qeveritare – Komisioni për Demokraci, 223 mijë USD për 18 organizata
Në raundin më të fundit të Programit të Granteve të Vogla të Komisionit për Demokraci u mbështetën 18 organizata të shoqërisë civile.
Ky komision ofron një fond prej 223,000 dollarësh për projekte që adresojnë çështje si angazhimi qytetar, fuqizimi i gruas, të drejtat e njeriut, të drejtat e pakicave, aktivizmi rinor, reforma në drejtësi dhe mjedisi.
Komisioni për Demokraci mbështet përmes granteve iniciativat e organizatave jo-qeveritare të angazhuara në ndërtimin e themeleve sociale dhe intelektuale të demokracisë, zgjidhjen demokratike të problemeve, si edhe forcimin e aktiviteteve monitoruese të shoqërisë civile.
Për këtë ka reaguar edhe ambasada e SHBA në vendin tonë. Në faqen e saj zyrtare në rrjetin social Facebook, Ambasada Amerikane ka uruar organizatat që dorëzuan propozimet e projekteve fituese në raundin më të fundit të Programit të Granteve të Vogla të Komisionit për Demokraci.
Nertila Doko/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.