“Origjina e Covid, mund të mos dihet kurrë” – Agjencitë e inteligjencës në SHBA nuk vërtetojnë dot, pa të dhëna të reja

Agjencitë e inteligjencës në Shtetet e Bashkuara thanë se mund të mos e identifikojnë dot kurrë origjinën e Covid-19, ndërkohë që publikuan një version të detajuar të vlerësimit të tyre, nëse koronavirusi ka ardhur si pasojë e transmetimit nga kafshët tek njeriu, apo ka dalë aksidentalisht nga një laborator.  Zyra e Drejtorisë së Inteligjencës Kombëtare në SHBA, bëri të ditur në një rapor të deklasifikuar se origjina natyrore dhe dalja nga laboratori janë të dyja hipoteza të besueshme për mënyrën se si virusi infektoi njerzit për herë të parë.

Megjithatë, raporti thekson se analistët nuk janë dakord nëse një opsion ka më shumë gjasa se tjetri.  Raporti hedh gjithashtu poshtë sugjerimet se koronavirusi ka qenë një armë-biologjike, duke thënë se avokatët e kësaj teorie nuk kanë akses direkt tek instituti i Virologjisë në Ëuhan dhe janë akuzuar për keqinformim. Raporti është një përditësim i vlerësimit që administrata e Joe Biden publikoi në Gusht, në një kohë të konflikteve politike me Kinën. Kina reagoi përsëri duke e kritikuar raportin e fundit.

“Vendimi i SHBA për t’u varur tek aparati i inteligjencës në vend të shkencëtarëve për të gjurmuar origjinën e Covid, përbën një farsë politike” – tha Liu Pengyi, zëdhënës i ambasadës kineze në Ëashington.   Agjencitë amerikane të inteligjencës, bëjnë të ditur se nuk do të kenë mundësi të prodhojnë një shpjegim më përfundimtar për origjinën e Covid-19, pa informacion të ri.  Raporti thekson se agjencitë dhe komuniteti shkencor në botë, nuk kanë të dhëna klinike apo një kuptim të plotë të të dhënave epidemiologjike nga rastet e para të Covid-19.

Klevis Llaha / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.