OSBE/ODHIR nis monitorimin – Glover: Do vëzhgojmë normalisht zgjedhjet, hera e parë që zhvillohen pa opozitën

Drejtuesja e delegacionit, të OSBE-ODHIR, ambasadorja Audry Glover tha sot se misioni i kryesuar prej do të monitorojë normalisht zgjedhjet e 30 qershorit.

Përmes një konference për shtyp ajo bëri me dije se OSBE/ ODIHR nis këtë të premte zyrtarisht misionin e vëzhgimit të zgjedhjeve vendore, i cili do të mbështetet nga të angazhojë 250 vëzhgues afatshkurtër dhe 18 vëzhgues afatgjatë.  Vëzhguesit do të kryejnë normalisht punën e tyre deri më 30 qershor, ndërkohë që do të ketë një raport të ndërmjetëm si dhe një konferencë për shtyp ditën pas zgjedhjeve me rezultatet paraprake.

E pyetur mbi faktin që zgjedhjet do zhvillohen pa opozitën dhe se në rreth gjysmën e bashkive në vend zgjedhje do zhvillohen vetëm me një kandidat ajo tha se organizata thjesht vëzhgon procesin dhe raporton për zhvillimin e tij. Gjithsesi ajo pranoi se ishte hera e parë që monitoronte zgjedhje ku nuk merr pjesë opozita.

E pyetur lidhur me mundësinë e shtyrjes së datës së zgjedhjeve, Ambasadorja tha përsëri se kjo nuk është përgjegjësi e misionit të OSBE/ODIHR.

Lorenc Rabeta/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.