OSHEE: Nëse keni probleme me energjinë elektrike, ja ku duhet të telefononi! Masat e marra për sezonin turistik

Operatori i Shpërndarjes së Energjisë Elektrike bën të ditur se ka marrë të gjitha masat për të garantuar furnizimin normal për abonentët, dhe në kuadër të sezonit turistik veror, ka ngritur grupet e gatishmërisë përgjatë bregdetit, nga Velipoja deri në Ksamil (përfshi pjesën e liqenit të Ohrit dhe Prespës).

“Pas përfundimit të fazës së kryerjes së remonteve gjatë pranverës, OSHEE ka në fokus menaxhimin e furnizimit me drita të zonave bregdetare, duke vendosur 86 punonjës shtesë, për t’iu ardhur në ndihmë drejtorive përkatëse që mbulojnë njësitë turistike. Gjithsej, në të gjithë vendin, janë vendosur 1800 punonjës, në gatishmëri të plotë 24 orë, pranë fidrave, kabinave të tensionit të mesëm dhe të ulët (TM/TU) që furnizojnë me energji elektrike konsumatorët. Të organizuar në grupe, punonjësit e OSHEE do të marrin masa për lokalizmin e defekteve në rrjetin shpërndarës, edhe me ndihmën e informacioneve të abonentëve, përmes numrave të kontaktit, për secilën/zonë plazh që mbulon x grup (mëposhtë harta me kontaktet)” njofton OSHEE.

Krahas kësaj, OSHEE njofton se janë vendosur grupe të posaçme gatishmëri pranë fidrave të rëndësishëm që furnizojnë hidrovoret, spitalet dhe institucionet e rendësisë së veçantë të vijës bregdetare dhe se është garantuar baza materiale për çdo avari të mundshme si dhe vendosur personel përforcues prane rrjetit dhe kabinave, për të patur furnizim të rregullt me energji elektrike.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.