OSHEE shpall tenderat – 100 milionë lekë për Tropojën dhe Durrësin

Operatori i Shpërndarjes së Energjisë Elektrike ka shpallur dy tenderi në Agjencinë e Prokurimit Publik, me një fond limit 102 milionë lekë.  Përkatësisht, tenderat parashikohen për OSSH Durrës dhe OSSH Kukës.

Konkretisht, 78.1 milionë lekë do të shkojnë për zgjerimin e rrjetit 20kV, ndërtim kabine elektrike dhe ndërtim rrjeti TU për zonën e Borçit, zonën e Rrushkullit dhe Jubës, si dhe për zonën e Perlatit (Durrës).

Nga ana tjetër, 23.9 milionë lekë janë vënë në dispozicion të rikonstruksionit të fiderit në fshatin Bujan të Tropojës.

Referuar dokumentacionit bashkangjitur tenderit, projekti i Durrësit do të përmbyllet brenda një afati 4 mujor, ndërsa tenderi për fshatin Bujan, do të ekzekutohet brenda një afati kohor 45 ditor, që nga nënshkrimi i kontratës me subjektin fitues.

Jenida Vladi/ SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.