Pabarazi globale në akesin e vaksinave – Organizata Botërore e Tregtisë ngren shqetësimin për vendet e varfra

Firmat farmaceutike që prodhojnë vaksinën Covid-19 duhet të bëjnë më shumë për të gjithë vendet e botës ose vullnetarisht t’ia dorëzojnë teknologjitë e tyre vendeve në zhvillim, thotë kreu i ri i OBT-së.

Dr Ngozi Okonjo-Iweala vuri në dukje marrëveshjen e AstraZeneca për transferimin e njohurive të saj tek një prodhues masiv i vaksinave në Indi.

Një “licensim vullnetar mund të shpëtojë shumë më tepër njerëz,” tha ajo.

“Ka disa kapacitete në vendet në zhvillim të papërdorura tani. Le të kemi të njëjtin lloj rregulli që AstraZeneca ka me Institutin e Serumit të Indisë,” i tha ajo Redaktorit të Ekonomisë të BBC Faisal Islam.

“Novovax, J & J dhe të gjithë të tjerët duhet të ndjekin shembullin,” tha ajo, duke iu referuar prodhuesve të tjerë të vaksinave.

Vendet më të pasura i kanë rezistuar një lëvizje të tillë edhe pse administrata e Biden në SH.B.A. ka sinjalizuar se po shqyrton planet.

“Lloji i pabarazive që ne shohim në aksesin e vaksinave është vërtet i pa pranueshëm, ju nuk mund të keni një situatë në të cilën, 10 vende kanë arritur administrimin e 70% të dozave të vaksinave në botë dhe ka vende që nuk kanë një dozë të vetme”, tha Iweala.

Organizata Botërore e Shëndetësisë tha në janar se mbi 39 milion vaksina ishin dhënë në 49 vende më të pasura, ndërsa një vend i varfër kishte vetëm 25 doza. (BBC)

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.