Pabarazi mes burrave e grave – Shqipëria në vend të 17-të, “kryesojnë” punët e shtëpisë, paratë dhe arsimi
Shqipëria renditet në vendin e 17-të mes 28 vendeve të Bashkimit Europian dhe 2 vendeve të Ballkanit Perëndimor në drejtim të barazisë mes burrave dhe grave, duke arritur një rezultat prej 60,4 nga 67.4 pikë që është mesatarja e BE-së. Për herë të parë në vendin tonë është publikuar indeksi i barazisë gjinore, i cili analizoi 6 fusha sikurse janë: paraja, pushteti, arsimi, koha, puna dhe shëndetësia. Ndërkohë që, nga përpunimi i të dhënave rezultoi se pabarazia gjinore përllogaritet në shkallë të konsiderueshme në drejtim të të ardhurave dhe punëve të shtëpisë.
Po ashtu, pabarazi vërehet edhe në fushën e arsimit, ku Manastirliu kërkoi adresimin e e tyre me qëllim thyerjen e tabuve për profesione të ndarë sipas gjinisë. Ndërkohë që, sa i takon pushtetit vendi ynë renditet 9 pikë mbi mesataren europiane.
E pranishme në prezantimin e raportit të parë për Shqipërinë, Virginija Langbakk, Drejtoreshë e Institutit Evropian për Barazi Gjinore tha se përmes kësaj analize të hollësishme të situatës së barazisë gjinore në fushën e parasë, punës, pushtetit, kohës, shëndetit dhe dijeve, politikëbërësit mund të gjejnë zgjidhjet e duhura për sfidat që mbeten për arritjen e barazisë gjinore.
Ola Mitre / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.