Pabarazia në Europë – Suedezët pasurohen me 72.6%, grekët varfërohen me 18.4%
Familjet italiane janë më të varfëra se 10 vite më parë, thotë një studim i fundit. Më keq se Italia në Bashkimin Europian rezulton vetëm Greqia.
Familjet suedeze ndërkohë kanë pësuar një rritje të aktiviteteve të tyre financiare me plot 72%.
Pasuria e familjeve në këtë studim të fundit është llogaritur në bazë të aktiviteteve financiare. Për italianët ka një rënie me 1.7%, ndërkohë që në Greqi, rënia fiksohet në plot 18.4%.
Një pjesë e madhe e familjeve nga vendet e Europës lindore, gjatë këtyre dhjetë viteve kanë dyfishuar aktivitetin e tyre financiar.
Në krahasim me dhjetë vite më parë, familjet gjermane janë më të pasura me 1300 miliardë euro, ose 31.6% më të pasura, ato franceze, 31.9%, ato britanike 30%, ato holandeze plot 55.9% më të pasura, dhe ato suedeze, 72.6%.
Pikërisht Greqia me Italinë, janë edhe dy prej vendeve që kanë vuajtur më shumë krizën financiare globale të viteve 207-2008, që u pasua nga ajo e borxhit në eurozonë.
Roel Korkuti/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.