“Paga e Luftës” nga dita e hënë, Denaj apel bizneseve: Plotësoni me përgjegjësi të dhënat personale të punonjësve dhe llogaritë e tyre bankare

Qeveria ka miratuar një paketë financiare në ndihmë të bizneseve të prekura nga masat parandaluese të pandëmisë dhe për kategoritë në nevojë.

Ministrja e Financave Anila Denaj njofton se kanë filluar aplikimet për ndihmën ekonomike. Në një postim në rrjetet sociale, Denaj fton subjektet që të plotësojnë kërkesën për të përfituar ndihmën financiare pranë Drejtorisë së Përgjithshme të Tatimeve duke filluar nga dita e hënë.

“Plotësoni me përgjegjësi të dhënat personale të punonjësve dhe llogaritë e tyre bankare. Çdo qytetar do të përfitojë pagën prej 26 mijë lekë cdo muaj në llogarinë e tyre bankare” shkruan .

Në postimin e saj, Denaj ka bashkëlidhur edhe linkun e Tatimeve për procedurat e mëtejeshme dhe kriteret e aplikimit për të gjithë të interesuarit.

Njoftim per kriteret dhe menyren e aplikimit per perfitimin e pages

Në bazë të VKM nr.254 datë 27.03.2020 “Për përcaktimin e procedurave, të dokumentacionit dhe të masës së përfitimit të ndihmës financiare për të punësuarit në subjektet e biznesit me të ardhura vjetore deri 14 milionë lekë,  ndihmës ekonomike  e të pagesës të së ardhurës nga papunësia gjatë periudhës së fatkeqësisë natyrore të shpallur si pasojë e COVID-19”, i cili hyn në fuqi prej datës 1 Prill 2020, ju informojmë për kriteret dhe mënyrën e aplikimit që duhet të kryejnë subjektet përfitues, të cilët:

për vitin 2019 kanë realizuar të ardhura deri në 14 milionë lekë,

duhet të kenë ndërprerë aktivitetin në zbatim të Urdhrave të Ministrit së Shëndetësisë dhe Mbrojtjes Sociale (MSHMS), të dala për këtë qëllim, si dhe

duhet të kenë përgjegjësi tatimore për tatimin e thjeshtuar mbi fitimin dhe tatimin mbi fitimin

Përfitues të ndihmës financiare të barabartë me pagën minimale në rang vendi, në fuqi, prej 26.000 lekë në muaj, janë:

personat fizikë të vetëpunësuar;

punonjësit e papaguar të familjes të personit fizik tregtar;

të punësuarit në personat fizikë tregtarë.

të punësuarit në personat juridikë,

me të ardhura vjetore deri në 14 milionë lekë, sipas listëpagesave të deklaruara nga subjektet tatimpagues, të cilët duhet të kryejnë edhe aplikimin për të përfituar ndihmë financiare, sipas Formularit bashkengjitur këtij njoftimi.

Individët e punësuar, që rezultojnë në më shumë se një listëpagesë, përfitojnë si ndihmë financiare vetëm një pagë minimale.

Subjektet që plotësojnë kushtet e mësipërme, duhet të paraqesin pranë Drejtorisë së Përgjithshme të Tatimeve, nëpërmjet llogarisë së tyre të deklarimit elektronik në e-filing, kërkesën me të dhënat e përfituesve, sipas modelit bashkengjitur, ku përfshihen:

Të dhënat identifikuese të subjektit tatimpagues të pajisur me NUIS

Të dhënat identifikuese të përfituesve, përfshirë të vetpunësuarit, punonjësit e papaguar të familjes dhe të punësuarit:

emrin, atësinë, mbiemrin

numrin personal të identifikimit të përfituesit

bankën ku përfituesi ka llogarinë rrjedhëse bankare

IBAN të llogarisë bankare të individit përfitues

Subjektet që do të plotësojnë kërkesën sipas Formularit të miratuar, bashkëngjitur, duhet të sigurohen që të plotësojnë të dhënat e sakta të individëve pëfitues, ku numri personal i identifikimit ID dhe IBAN i llogarisë bankare janë të dhëna shumë e rëndësishme.

Pas verifikimit brenda 10 ditëve të muajit pasardhës, të të dhënave të derguara nga aplikuesit, nga Drejtoritë Rajonale Tatimore ku subjektet janë të regjistruar, lista përmbledhëse me të dhënat e individëve përfitues të ndihmës financiare, paraqitet nga DPT, pranë Drejtorisë së Përgjithshme të Thesarit, e cila, sipas VKM nr.254, satë 27.03.2020, kryen pagesat për individët përfitues.

Shkarkoni formularin

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.