Paga në fabrikat e Kinës në $3.6/orë, 5-fishi i Indisë

Mallrat “Made in China” po e humbasin reputacionin si mallra të lirë ndërkohë që kosto e punës është rritur ndjeshëm në sektorin gjigant të manifakturës.  Punonjësit në fabrikat kineze po paguhen tashmë më shumë se kurrë.

Pagat mesatare për orë shënuan 3.6 dollarë vitin e kaluar, në rritje me 64% nga viti 2011. Kjo normë është 5 herë më e lartë se paga mesatare për orë në fabrikat e Indisë dhe është thuajse e barabartë me vende si Portugalia dhe Afrika e Jugut.

Ndërkohë që ekonomia kineze është zgjeruar në atë kohë me hapa gjigantë, të njëjtën rritje kanë patur edhe pagat e punonjësve që kanë kontribuar me rritjen e outputit.

Megjithatë, rritja e pagave është përkthyer në kosto më të larta për kompanitë që kanë linjat e montimit në Kinë.  Disa firma po zhvendosin operacionet diku tjetër, gjë që do të sjellë rënien e punësimit në Kinë dhe një rritje në vende si Sri Lanka, ku pagat në fabrik për orë janë 0.5 dollarë.

Kompanitë po investojnë gjithashtu në pajisje robotike që të automatizojnë sa më shumë të jetë e mundur këto procese, duke ulur kështu koston e punë.

Mbajta e një niveli të ulët të papunësisë do të jetë një shqetësim i vazhdueshëm për Qeverinë kineze, ndërkohë që po zhvendos modelin e rritjes nga manifaktura në shërbime.

Klevis Llaha/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.