Pagat dhe punësimi, Xhepa: Premtimet elektorale arrihen vetëm nëse ekonomia rritet me 10%
Pagat e administratës publike nuk mund të rriten në nivelin 40% nëse nuk ka një rritje të ekonomisë të paktën me 10%. Kështu është shprehur specialist i ekonomisë Selami Xhepa për Tv Scan lidhur me një ndër premtimet gjatë fushatës elektorale.
Xhepa shtoi se një rritje e pagave në nivele të tilla do të krijonte disbalancë të menaxhimit të fondeve publike, gjë e cila çon në goditje afatgjatë të ekonomisë
Lidhur me krijimin e 200 vendeve të reja të punës Xhepa theksoi se ky premtim behet real nëse ekonomia shqiptare është e aftë të gjenerojë vende të reja të punës në të kundërt ngelet thjesht një dëshirë ashtu sikurse ajo e 4 viteve më parë, për krijimin e 300 mijë vende të reja pune.
Statistikat zyrtare të Institutit të Statistikave tregon se numri i atyre nominalisht të punësuar në fund të vitit të kaluar qe afro 1.17 milionë shqiptarë, me rritje 171 mijë vetë në krahasim me shtatorin 2013.
Numri i të papunëve që po kërkojnë punë dhjetorin e kaluar ishte 192 mijë vetë, afro 6 mijë më pak se sa në shtatorin e 2013-ës.
Nertila Doko/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.