Pagat e mjekëve, Rama zbulon propozimin: Do të përfitojnë sa ç’do të merrnin në Itali
Shëndetësia do të marrë një vëmendje të veçantë gjatë katër viteve të ardhshme të qeverisjes. Këtë e ka bërë të ditur vetë kryeministri gjatë prezantimit të programit të Këshillit të Ministrave në Kuvend.
Duke iu përgjigjur pyetjeve të deputetëve të opozitës, Rama tha se mbështetja e shëndetësisë do të vazhdojë të rritet për këtë sektor, me synimin që shpenzimet për shëndetësinë të arrijnë në 60-65% të shpenzimeve të përgjithshme.
Rama ka folur edhe për pagat e mjekëve, mësuesve dhe infermierëve, për të cilat ai ka deklaruar një se një rritje me 40% është plotësisht e realizueshme brenda këtij mandati.
Kryeministri zbuloi edhe një propozim, i cili do të shërbente krahas rritjes së pagave të mjekëve edhe për përmirësimin e kujdesit shëndetësor në rrethe.
“Po punojmë për një skemë të re financimi për të nxitur mjekët specialiste që punojnë pranë spitaleve rajonale apo spitaleve bashkiake jashtë Tiranës. Është ende në diskutim, por ideja është që t’i ofrojmë këtyre mjekëve specialistë një pagë të përafërt me atë që mund të përfitojnë, pa llogaritur taksat, nëse shkojnë të punojnë në Itali për shembull”, tha Rama.
Angelo Haruni/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.