Paketa e stimujve të Covid-19 në BE / Miratohet më në fund, pasi Hungaria dhe Polonia heqin veton

Bllokada e Hungarisë dhe Polonisë  mbi paketën e stimujve të koronavirusit është hequr,  ç’ka nënkupton se vendet mund të kenë tashmë akses në nivele gjigante  të financimit.  Përballë pandemisë, vendet evropiane ranë dakord në Korrik për 750 miliardë euro për të mbështetur rimëkëmbjen ekonomike në 27 vendet anëtare të bllokut.  Kjo ishte një lëvizje e rëndësishme, përveç buxhetit prej 1.07 trilionë euro që do shpenzohet nga vitit 2021 në 2027.   Megjithatë, zbatimi i kësaj marrëveshjeje ka qenë në rrezik kur Hungaria dhe Polonia kundërshtuan disbursimin e fondeve me kusht të respektimit të vlerave europiane.

Të dy vendet kanë qenë në hetim prej vitesh për gjyqësorin dhe lirinë e mediave,  duke cënuar ligjet evropiane. Pas negociatave të gjata në javët e fundit, 27 vendet ranë dakord por me një kusht, që të dy vednet të mund të kërkojnë për një opinion nga GJykata Europiane e Drejtësisë, në mënyrë që institucioni të vendosë nëse disbursimi i fondeve respekton traktatet evropiane.

Megjithatë, mund të kërkojë mbi 1 vit që gjykata të japë opinionin, çka nënkupton se 2 vendet i’a hedhin paq për momentin.  Kjo është e rëndësishme për Kryeministrin Viktor Orban, që përballet me zgjedhje në 2022.  Kompromisi duket kompleks por lejon BE që të disponojë fondet shpejtë, ndërkohë që vazhdon t’i kushtëzojë me respektimin e vlerave europaine, edhe pse kjo e fundit do të ndodhë në një fazë më të vonë.  Gjatë një fjalimi në Bruksel, Kryeministri i Polonisë, Mateusz Morawiecku, tha se kompromisi lejon BE të shmangë vendimet e motivuara politikisht. Kryeministri i Hungarisë , Viktor Orban, tha se marrëveshja përbën një fitore në lidhje me gjykimin racional.

Klevis Llaha – SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.