Paketa e Zgjeruar/ Rama: Do të përfshihen edhe qeradhënësit dhe personat e pamundur për punë
Në mesin e javës së ardhshme qeveria do të miratojë Paketën e Zgjeruar të ndihmës ekonomike ku pritet që të përfshihen kategoritë që nuk kanë përfituar nga paketa e parë.
Në listën e kategorive që do të përfshihen për të përfituar ndihmë financiare direkte ose indirekte janë profesionet e lira, gomisteritë, lavazhet, serviset, pastrim kimik,rrobaqepësi, berberët, hidraulikët, taksistët, punonjësit e transportit publik, punonjësit e agjencive turistike, punonjësit e kancelarive etj.
Gjithashtu sipas njoftimit të sotëm Kryeministri vendit Edi Rama ka thënë se në këtë Paketë të Zgjeruar do të adresohet me një bonus lufte edhe individët qeradhënës që nuk kanë të ardhura të tjera veç qerasë apo individēt që u është e pamundur puna në kompani e ndërmarrje me xhiro mbi 140.000 lek në vit.
“Për përcaktimin e masës së kësaj mbështetjeje me Bonusin e Luftës, do të vendoset duke ndjekur dinamikën e luftës në 3-4 ditët në vijim,” shkruan Rama në njoftim.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.