Paketa prej 1 trilion dollarë në SHBA – Bën progres në Senat. Do të financojë projekte të infrastrukturës
Një paketë e investimeve mbi infrastrukturën prej 1 trilionë dollarë ka bërë progres në Senatin e Shteteve të Bashkuara këtë Javë, duke kaluar një barrierë kryesore që e çon ligjin drejt debatit zyrtar dhe kalimit të mundshëm. Senati votoi me 67 pro dhe 32 kundër për të marrë hapin e parë procedurial drejt debatit të masës që ka mbështetjen e presidentit demokrat Joe Biden.
Marrëveshja dypartiake, që ndjek muaj të negociatave, ka fituar mbështetje të të gjithë 48 demokratëve, 2 të pavarurve dhe 17 republikanëve në votën e parë proceduriale.. Senatorja demokrate Kysten Sinema dhe republikani Rob Portman, 2 negociatorët kryesor në senat, lajmëruan marrëveshjen këtë Javë. Republikanët kanë bllokuar një veprim të ngjashëm në javën e kaluar, duke thënë se nuk ishin caktuar mirë detajet.
Marrëveshja përfshin 110 miliardë dollarë për rugë, 73 miliardë dollarë shpenzime në rrjete të energjisë, 66 mld USD për hekurudha, $65 mld për të zgjeruar aksesin broadband, $55 mld për ujë të pijëshëm, 50 miliardë dollarë për riuperim mjedisor, 39 miliardë dollarë për tranzitin publik dhe 25 miliardë për aeroporte, sipas Shtëpisë së Bardhë. Ligji është një komponent i axhendës së gjerë të politikave të brendshme të Biden.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.