“Paketë ndihme për shtresat në nevojë” – Yzeiraj: Qeveria të rishpërndajë fondet ekstra të mbledhura nga rritja e çmimeve!

Qeveria duhet të mendojë që të ardhurat shtesë të paplanifikuara në buxhet, të mbledhura nga rritja e çmimeve, t’i shpërndajë tek shtresat në nevoje me qëllim amortizimin e tyre.

Në një intervistë për SCAN, ekonomisti Endrit Yzeiraj thekson se kjo do të ishte lëvizja e duhur për të mos pasur një tkurrje të konsumit.

Sipas tij, paketa antikrizë që po aplikohet aktualisht nuk është e mjaftueshme.

Në tre muajt e parë të vitit, buxheti i shtetit mblodhi 30 milardë lekë më shumë të ardhura krahasuar me një vit më parë, duke tejkaluar edhe planin për këtë periudhë.

Elisabeta Dosku / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.