Pamjet e jashtëzakonshme të aktivizimit të Vullkanit Taal/ Autoritetet: Pritet një ‘shpërthim i rrezikshëm’!
Në orët e para të së hënës, sasi të konsiderueshme llave filluan të dilnin nga krateri i vullkanit Taal i vendosur rreth 70 km në jug të kryeqytetit të Filipineve, Manila. Kjo ndodhi pikërisht pas një shpërthimi hiri i cili shkaktoi evakuime masive prej më shumë se 78 mijë njerëzish nga zona.
Taal është vullkani i dytë më aktiv i Filipineve. Ai ndodhet në një ishull në mes të një liqeni por edhe është një nga vullkanet më të vegjël në botë, ai ka regjistruar të paktën 34 shpërthime në 450 vitet e fundit.
Autoritetet në provincën përreth, Batangas, kanë deklaruar një “gjendje të jashtëzakonshme”. Autoritet zyrtare lokale, Phivolcs e kanë ngritur nivelin e alarmit nga 3 në 4, nga një maksimum prej 5.
Autoritetet kanë paralajmëruar gjithashtu për një “tsunami vullkanik” të mundshëm, i cili mund të nxitet nga rënia e mbeturinave pas një shpërthimi, duke shtyrë ujin dhe gjeneruar dallgë të forta. (BBC)
E.S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.