Panairi i Punës në Durrës, Rama: 1047 vende pune, pagat janë të ulta për fillestarët
1047 vende të lira pune ofrohen në qarkun e Durrësit. Kryeministri Edi Rama gjatë vizitës së Panairit të Punës të mbajtur në këtë qytet, deklaroi se mungesa e profesionistëve ka krijuar një vakum ndër vite. Sipas Ramës pagat e ulta lidhen edhe me mungesën e aftësisë profesionale
“Janë dy aspekte që dua të nënvizoj në këtë panair.
Njëri aspekt është që zhvillimi ekonomik me hapa progres të dukshëm ka sjellë një nevojë më të madhe jo vetëm për vende pune, por edhe vende pune me kualifikime të caktuara, që nga kompani që lidhen me metalet te kompanitë me prodhimeve tekstile apo prodhimeve të peshkut, apo kompanive të turizmit dhe hotelerive, apo eksporteve dhe materialeve të ndërtimit.
Aspekti tjetër, të niveli i pagave nga 30 mijë deri në 70-80 mijë lekë, është e gjithë gama, janë të gjitha profesionet, por vazhdon vakumi i madh i krijuar ndër vite, që po mbushet pak nga pak, por jo aq sa duhet, deri sa të vihet në shina arsimi profesional, dhe këtu është gjithë sfida jonë, njerëzve t’iu ofrohet mundësi për punë. Pagat e ulta janë për fillestarët, për ata që nuk kanë asnjë aftësi të mirëfilltë profesionale. Dhe me aftësim profesional pagat rriten, shkojnë 400 mijë, shkojnë 450 mijë e me radhë. Sepse rritet edhe kapaciteti i kompanive për të diversifikuar dhe sofistikuar cilësinë e produkteve. Do vazhdojmë të insistojmë dhe të përpiqemi, 1047 vende pune sot të panair”, deklaroi Rama.
E.Z/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.