Panairi i Punës në Lezhë/50 subjekte prezantojnë 600 vende pune. Zyrat e punës, 300 vende
Më shumë se 1 mijë persona kanë vizituar panairin e punësimit në qytetin e Lezhës, i mbajtur në kuadër të ciklit të Panaireve Rajonalë të Punësimit të cilët po zhvillohen nga Ministria e Financave dhe Ekonomisë, nëpërmjet Shërbimit Kombëtar të Punësimit në të gjithë qarqet e vendit.
Shërbimi Kombëtar i Punësimit bën të ditur se kompanitë pjesëmarrëse intervistuan rreth 200 prej tyre si dhe u arritën edhe 10 ndërmjetësime të drejtpërdrejta në punë.
“Rreth 50 subjekte punëdhënëse prezantuan në panair rreth 600 vende të lira pune, në sektorë si: hoteleri-turizëm, industri përpunuese dhe konfeksione, telekomunikacion, transport dhe tregti, ndërtim, etj. Ndërkohë, Zyrat e Punës prezantuan edhe rreth 300 vende të tjera të lira pune të shpallur nga subjekte jo pjesëmarrëse në panair” njofton SHKP.
Përveç bizneseve, pjesëmarrës në panair ishin dhe ofrues të arsimit dhe formimit profesional që ushtrojnë aktivitetin në Rajonin Lezhë, përfaqësues të institucioneve vendore, si dhe përfaqësues të projekteve bashkëpunuese në fushën e Arsimit, Formimit Profesional dhe Punësimit, si DIMAK apo Sëisscontact.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.