Pandemia nuk prek ndërtimin – Rënie e lehtë e kostove gjatë tremujorit të dytë të vitit

Kostot e ndërtimit kanë pësuar një rënie mjaft të lehtë gjatë tremujorit të dytë të vitit, tregojnë të dhënat më të fundit nga Instituti i Statistikave. Kështu, indeksi I kushtrimit në ndërtim flet për një rënie me 0.1 pikë përqindje në tremujorin e dytë të vitit, krahasuar me tremujorin e parë të vitit. Krahasuar me të njëjtin tremujor të vitit të kaluar ndërkohë, vihet re një rritje me 0.4%. Këto të dhëna sinjalizojnë se, pandemia nuk ka pasur ndikim aq të madh në sektorin e ndërtimit sa ç`mund të pritej.

Në këtë tendencë ka ndikuar padiskutim edhe procesi i rindërtimit si rrjedhojë e tërmeteve të shtatorit dhe nëntorit të vitit të kaluar. Sa i përket zërave, indeksi i kostos së materialeve dhe ai i shpenzimeve për paga, janë ata që kanë pësuar rënien më të madhe, me 1.2% dhe 1% respektivisht, krahasuar me të njëjtën periudhë të një viti më parë. Zërat e tjera të shpenzimeve ndërkohë, raportohen në rritje, si ai i transportit, makinerive, etj.

Roel Korkuti / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.