Panelet diellore, Gjiknuri: Kursejnë 70% energji, instalim në të gjitha kopshtet
Në të gjitha kopshtet dhe shtëpitë e të moshuarve në bashkitë e pjesës perëndimore të vendit do të instalohen panele diellore, duke mundësuar kursimin e energjisë elektrike.
Lajmi është bërë me dije nga ministri i Infrastrukturës dhe Energjisë, Damian Gjiknuri, i cili teksa inspektoi një model të tillë në qytetin e Vlorës, tha se këto instalime ulin me 70% nevojën për energji.
Prodhimi i energjisë elektrike nga dielli po shihet gjithmonë e më tepër me interes nga investitorët, duke reflektuar një kërkesë në rritje për ndërtimin e parqeve fotovoltaike.
Megjithatë, Gjiknuri ka bërë me dije se dikasteri që ai drejton do të ndjekë një politikë të matur për të balancuar këtë kërkesë, pasi nëse nuk menaxhohet siç duhet, mund të pasohet me mungesë të tregut.
Ola Mitre/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.