Panik në avion: kabina mbushet me tym. 200 pasagjerët në bord zbresin me rrëshqitësen e emergjencës (VIDEO)

Një përvojë e tmerrshme e përjetuar nga 175 pasagjerë dhe 8 anëtarët e ekuipazhit të fluturimit BA422 që u nis nga Londra në drejtim të Valencias, të operuar nga British Airways. Pak para uljes kabina u mbush me tym. “Dhjetë minuta para uljes ne u pushtuam nga tymi, unë nuk mund t’i shikoja pasagjerët para meje,” tha Rachel Jupp, një pasagjere e avionit.

“Kur avioni filloi të zbriste, dëgjova dikë që bërtiste që të uleshim poshtë për të marrë frymë pasi ajri ishte më i pastër afër fundit “, shtoi gruaja. “Ishte një përvojë e tmerrshme, me të vërtetë e frikshme,” shtoi një pasagjer tjetër, Gayle Fitzpatrick. Pas uljes në tokë pasagjerët dhe anëtarët e ekuipazhit u evakuuan me rrëshqitje dhe zjarrfikësit ndërhynë menjëherë në aeroplan.

Ndërkohë, British Airways tha se ishte një problem teknik që shkaktoi tymin dhe tre pasagjerë u dërguan në spital, dhe tashmë janë jashtë rrezikut.

@matthewbennett pic.twitter.com/JMGH7NQl0u

— Miguel J. Galindo (@MJGalindo) August 5, 2019

Edel Strazimiri / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.