Panucci, zyrtarisht trajner i Shqipërisë – Objektivi kryesor, kualifikimi në “Euro 2020”
Christian Panucci është prezantuar edhe zyrtarisht si trajneri i ri i Kombëtares shqiptare të futbollit, ku firmosi kontratën me presidentin e FSHF-së, Armand Duka. Duka shprehu bindjen se, Panucci është emri i duhur për kombëtaret, pavarësisht se përvoja e tij si trajner është modeste.
Objektivi kryesor i Panuccit do të jetë kualifikimi i Shqipërisë në Euro 2020.
Ndërkohë, Christian Panucci tha se nuk e pati të vështirë t’i thoshte po Shqipërisë, ndërsa katër ndeshjet e mbetura të eliminatoreve të këtij botërori do të shërbejnë për të hedhur bazat për kualifikimin në Euro 2020.
Christian Panucci ka një karrierë të shkurtër si trajner, me Livornon dhe Ternanën, ndërsa ka qenë ndihmës i Fabio Capellos te kombëtarja e Rusisë.
Lidion Kulla/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.