Papa Françesku në meshës e Krishtlindjes: “Zoti i do dhe më të këqinjtë ndër nesh”

Papa Françesku ka mbajtur meshën e mesnatës duke thënë se festimi i lindjes së Jezusit i kujtoi njerëzimit se si “Zoti vazhdon të na dojë të gjithëve, madje edhe më të këqijtë prej nesh”.

Pontifi u tha turmave të mbledhura në Vatikan, në prag të Krishtlindjes: “Mund të keni ide të gabuara, mund të keni bërë një rrëmujë të plotë të gjërave, por Zoti vazhdon t’ju dojë”.

Pas procesionit Papa u dal përpara altarit të rrëfimit, zbuloi dhe puthi statujën e Jezusit duke u lutur për të gjithë, pavarësisht se zemrat e njerëzve duket se janë bosh dhe të varfëra për nga dashuria.

“Ndërsa këtu në tokë gjithçka duket se i përgjigjet logjikës së dhënies dhe marrjes, Zoti vjen falas. Dashuria e tij nuk është e diskutueshme: ne nuk kemi bërë asgjë për ta merituar atë dhe ne kurrë nuk do të jemi në gjendje ta shpërblejmë atë”.

Papa tha gjithashtu se të dhuruarit dashuri i jep kuptim jetës dhe është mënyra më e mirë për të ndryshuar botën, kishën dhe historinë.

Pelegrinët nga e gjithë bota u mblodhën më herët të martën në Betlehem. Mijëra palestinezë dhe të huaj u bashkuan në qytetin në Bregun Perëndimor të okupuar nga Izraeli me festimet e festës së Krishtlindjes që ndodhin brenda dhe përreth Kishës së Lindjes.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.